أهمية الأسنان اللبنية وليه مينفعش أخلعها قبل ميعاد تبدلها
💎 أنا تقريبا بسمع العبارة دي كل يوم ( اخلع الضرس ي دكتور ؛ أنا ليه أحشي الضرس بتاع طفلي ما دام كده كده هيبدل ) و الناس بتظن أن دكتور الأسنان بيستغلها لجمع الفلوس مش أكثر 💔😂
💥خلينا في الاول كده نعرف ايه أهمية الأسنان اللبنية ⁉️ - الأسنان اللبنية مهمة جدا في الحفاظ علي مكان الاسنان الدائمة لحد ما تطلع ؛ #ف_لما_الدكتور_يقولك_مينفعش_نخلع_دلوقتي_فهو_عاوز_مصلحتك. وكمان السنة اللبنية مرشدة للسنة الدائمة و في حالات الخلع المبكر هيحصل اختلاف في ترتيب الأسنان .
💥 طيب وايه الحل ي دكتور ⁉️
1⃣ فيه كذا حل الاول انك تروح تحشي الضرس ده عند اي دكتور وحشو الأسنان اللبنية مش مكلف خالص.
2⃣ الحل التاني : ممكن تخلع الضرس وتركب حاجة اسمها #حافظ_مكان ؛ بيحفظ فراغ للسنة الدائمة لحد ما تطلع .
💎💎💎💎💎💎💎💎💎💎💎💎💎
3⃣ ممكن توفر كل ده من الأول وكل يوم تغسل أسنان ابنك مرة قبل النوم وتحافظ علي أسنانه 😁 .
💎💎💎💎💎💎💎💎💎💎💎💎💎 💥
طيب أيه اللي هيجري لو خلعت الضرس المسوس ده 🤔 #ببساطة الأسنان الدائمة مش هتطلع في مكانها و بدل ما كنت هتدفع مبلغ بسيط جدا للحشو ؛ هتدفع ألافات للتقويم علشان تظبط الأسنان 💲💸
- وأخيرا خلع ضرس طفلك مش بياخد ثانيتين لأنه سهل ، لكن المشكلة الكبيره في اللي بيحصل بعد الخلع😣 #اأسنان_ابنك_أمانة_في_أيدك_لان_أسنانه_هي_مظهرة😎
0 Comments:
إرسال تعليق